प्राधिकरणले निगमलाई सोध्यो : प्रधानमन्त्री चढेको विमानमा अमर्यादित क्रियाकलाप किन भयो ?

April 07, 11:39

काठमाडौँ २४ चैत्र / भारत भ्रमण सकेर स्वदेश फर्केका प्रधानमन्त्री शेरबहादुर देउवा सवार विमानमा पत्रकार ऋषि धमलाले गरेको अर्मयादित व्यवहारबारे नेपाल नागरिक उड्डयन प्राधिकरणले नेपाल वायुसेवा निगमलाई स्पष्टीकरण सोधेको छ ।

प्राधिकरणका महानिर्देशक प्रदीप अधिकारीले आइतबार दिल्लीबाट काठमाडौं फर्किने क्रममा पत्रकार धमलाले वायुयान तथा हवाई यातायातको शुरक्षामा असर पर्ने गरी अमर्यादित क्रियाकलाप गरेको भिडियो सामाजिक सञ्जालमा सार्वजनिक भएकाले घटनाकोल जानकारीसहित यथार्थ विवरण पेस गर्न बुधबार निगमका कार्यकारी अधिकृत युवराज अधिकारीलाई पत्र पठाएका हुन् ।

‘३ दिने भारत भम्रण सम्पन्न गरी निगमको विमानमा स्वदेश फिर्ति गर्ने क्रममा प्रधानमन्त्रीज्यू सवार विमानभित्र वायुयान तथा हवाई यातायातको सुरक्षामा असर पर्ने गरी केही अवाञ्छित क्रियाकलापसँग सम्बन्धित अडियोरभिडियो सामाजिक सञ्जालमा सार्वजनिक भएको देखिएकाले सो सम्बन्धमा के भएको हो रु घटनाको यथार्थ विवरणसहितको जानकारी प्राधिकरणमा यथाशिघ्र पेस गर्नु,’ प्राधिकरणले लेखेको पत्रमा उल्लेख छ ।

यसैबीच उक्त उडानकी प्रमुख एयरहोस्टेसले पनि बुधबार निगमको कार्यकारी अध्यक्ष मातहत रहने कर्पोरेट सेफ्टी र क्याबिन क्रू डिभिजन प्रमुखलाई पत्रकार धमलाले कर्मचारीहरुलाई दुर्व्यवहार गरेको लिखित जानकारी दर्ता गराएकी छन् । भीभीआईपी उडानमा आफूलाई अपरेसन विभाग प्रमुख क्याप्टेन रवीन्द्रकुमार शेरचन र कार्यकारी अध्यक्षले प्रधानमन्त्री रहेको बिजनेस श्रेणीतर्फको सुरक्षालाई प्राथमिकता दिन निर्देशन दिँदै ‘कुनै पनि हालतमा कसैलाई बिजनेस श्रेणीमा जान नदिन’ भनिएको तर सञ्चारकर्मी धमलाले ‘पत्रकारको हैसियत’ को दुरुपयोग गरेको जनाएकी छन् ।

उनले त्यहाँ पत्रकार धमलाले चर्को स्वरमा बोलेको, कर्मचारीलाई दुर्व्यवहार गरेको, धकेलेको र काममा बाधा पुर्‍याएको उल्लेख गरेकी छन् । उनले क्याबिन क्रूको कर्तव्य पालनामा धमलाले गरेको अनुपयुक्त क्रियाकलापले चालकदलका सदस्यको मात्र नभई निगमकै प्रतिष्ठामा पनि असर परेको उल्लेख गरेकी छन् ।

यसैबीच नेपालका घरेलु वायुसेवाहरुको संस्था वायुसेवा सञ्चालक संघले पनि बुधबार विज्ञप्तिमार्फत भीभीइआईपी उडान सुरक्षा प्रोटोकलको उल्लंघन भएकोमा चिन्ता प्रकट गरेको छ । संघले प्राधिकरण र अन्तर्राष्ट्रिय नागरिक उड्डयन संगठनहरुले बनाएका सिद्धान्तहरुको प्रतिकूल उक्त उडानमा भएको गतिविधि नागरिक उड्डयन सुरक्षा नियमावलीविरुद्ध भएको जनाएको छ ।

सम्बन्धित वर्गका समाचारहरू

करको विरोधमा २२ माघमा देशभरका सिनेमा हल बन्द हुने
काठमाडौं । चलचित्र विकास शुल्क र स्थानीय मनोरञ्जन करको विरोधमा फिल्म हल सञ्चालकले माघ २२ गते… विस्तृतमा
इजरायलमा मृत्यु भएका चार नेपालीको शव काठमाडौं ल्याइने…
काठमाडौं । हमासको आक्रमणमा परी मृत्यु भएका १० नेपालीमध्ये चार जनाको शव आइतबार नेपाल ल्याइने भएको छ… विस्तृतमा
कसुर प्रमाणित भए कति जेल सजाय हुन सक्छ अनमोललाई ?
काठमाडौं। आपराधिक विश्वासघात गरेको आरोपमा यतिबेला नायक अनमोल केसी प्रहरी हिरासतमा छन्। काठमाडौं… विस्तृतमा
कैलालीका शिक्षक शाहको शैक्षिक प्रमाणपत्र नक्कली रहेको…
काठमाडौं । कैलालीको घोडाघोडी नगरपालिका–२ साडेपानीस्थित दशरथ माध्यामिक विद्यालयका शिक्षक महेश शाहको… विस्तृतमा