कञ्चनपुर जिल्ला छनौट यु–१६ क्रिकेट प्रतियोगिताको उपाधि नागार्जुन स्कुललाई 

कञ्चनपुर – कञ्चनपुर जिल्ला स्तरीय यु–१६ छनौट क्रिकेट प्रतियोगिताको उपाधि नागार्जुन इङ्लिस बोर्डिङ स्कुलले जितेको छ । फाइनल खेलमा नागार्जुनले ब्रह्मदेव चिल्द्रेन स्कुल ब्रह्मदेवलाई  ४६ रन ले पराजित गरी उपाधि हात पारेको हो । उपाधिसँगै नागार्जुन स्कुलले नगद २५ हजारसहित ट्रफि प्राप्त गर्‍यो । उपविजेता ब्रह्मदेव चिल्द्रेन स्कुलले १५ हजारमा चित्त बुझायो ।  

कञ्चनपुर जिल्ला क्रीकेट सङ्घको आयोजनामा आइतबारदेखि महेन्द्रनगरमा सुरु भएको  यु—१६ पुरुष जिल्ला स्तरीय क्रिकेट छनौट प्रतियोगिताको उपाधि  श्री नागार्जुन इङ्ग्लिस बोर्डिङ स्कुल तिलाचौरले आफ्नो नाममा गरेको हो । 

टस जितेर  ब्याटिङ गरेको नागार्जुनले निर्धारित २५ ओभरमा ९ विकेटको गुमाएर १ सय ५७ रन को योगफल तयार पारेको थियो । जवाफी ब्याटिङमा उत्रेको ब्रह्मदेवले १ सय ११ रन मात्र बनाउन सक्यो । 

खेलको प्लेयर अफ दी म्याच नागार्जुनका दीपक विष्ट  भए । प्रतियोगितामा जिल्लाका ८ वटा विद्यालयले सहभागिता जनाएका थिए।