कैलालीमा यसरी मनाइयो राष्ट्रिय पुस्तकालय दिवस, कविता प्रतियोगितामा एसपीएकी आयुष्मा जोशी प्रथम

धनगढी, भदौ १५ - कैलाली जनपुस्तकालय धनगढीले १२ औं पुस्तकालय दिवसको अवसरमा आयोजना गरेको बृहद् कविता प्रतियोगिता आज भव्य रूपमा सम्पन्न भएको छ । प्रतियोगितामा सुदूरपश्चिमाञ्चल एकेडेमीकी आयुष्मा जोशी प्रथम, कैलाली बहुमुखी क्याम्पसकी सत्या उपाध्याय द्वितीय र एक्सिस विद्या निकेतनका दर्पण शर्मा तृतीय भएका छन्। एस्पिएकी सुप्रिया अवस्थी र स्टेपिङ स्टोनका जनक जोशीले सान्त्वनास्थान प्राप्त गरेका छन्। 

पुस्तकालयका उपाध्यक्ष शिवराज ओझाले स्वागत मन्तव्य राखेको कार्यक्रममा प्रमुख अतिथि वरिष्ठ साहित्यकार मनिराज जोशीले बिजयीहरूलाई पुरस्कार तथा प्रमाणपत्र वितरण गर्नुभएको थियो । 

कार्यक्रममा विभिन्न श्रष्ठाहरुले आफ्ना रचना र गीतहरु समेत प्रस्तुत गर्नु भएको थियो ।