डोटीको छतिवनमा प्याराग्लाइडिङको सफल परीक्षण

डोटी, ७ पौष – 
भ्रमण वर्ष २०२० लाई लक्षित गरी छतिवन पर्यटन पर्बद्वन समिति जोरायल डोटीको आयोजनामा प्याराग्लाडिङको सफल परीक्षण गरेको छ ।
सोमबार डोटीमा आयोजित कार्यक्रममा सुदूरपश्चिम प्रदेशका मुख्यमन्त्रीका स्वकीय सचिव शिव सिंह ओलिले उद्घाटन गरे । रुपसकाडाबाट छतिवन ताल सम्म प्याराग्लाइडिङको सफल परीक्षण गरिएको थियो ।
छतिवनमा गरिएको प्याराग्लाइडिङको परीक्षण उडानले त्यहाँ आन्तरिक तथा बाह्य पर्यटक तान्न सकिने छतिवन पर्यटन प्रबर्द्धन संरक्षण समितिका अध्यक्ष भरत कुँवरले बताए। 
डोटीमा दुई नगरपालिका र सात गाउँपालिका गरी कूल नौ स्थानीय तह रहेका छन्। डोटी जिल्लाको शैलेश्वरी, बडिकेदार, खप्तड, छतिवन ताल, नापानी, छहरा झरना, गोलादेउलगायतका ठाउँ घुम्न लायक छन्।