कैलाली विद्या निकेतनद्वारा स्टेपिङ स्टोन पराजित, दुबै टोलि प्रतियोगिताबाट भने बाहिरिए

कैलालीको धनगढीमा जारी प्रथम मृग गार्मेन्ट लिटिल फ्लावर सुपर लिग अन्तर्गत चौथो दिनको पहिलो खेलमा कैलाली विद्या निकेतनले स्टेपिङ स्टोन बोर्डिङ स्कुल धनगढीलाई १-० गोल अन्तरले पराजित गरेको छ ।

धनगढी स्थित कभर्डहलमा बिहिबार सम्पन्न पहिलो खेलको पहिलो हापमा दुबै टोलिले बराबरी खेलेपनि दोस्रो हापको ५ औ मिनटमा कैलालीका गजेन्द्र देउवाले निर्णायक गोल गर्दै टिमलाई जित दिलाएका थिए । कैलालीका गजेन्द्र देउवा खेलको म्यान अफ द म्याच घोषित भएका थिए ।

समुह ए मा रहेका दुबै टोलिले आफ्नो पहिलो खेलमा सैनिक आवासियसङ्ग पराजय बेहोरेका थिए । समुह ए बाट सैनिक आवासिय यस अघि नै सेमिफाइनल प्रवेश गरेका कारण आज कैलाली बिद्या निकेतन र स्टेपिङ स्टोन प्रतियोगिताबाट बाहिरिएका हुन ।

प्रतियोगिताको विजेता टोलिले नगद ३० हजार सहित मेडल र प्रमाणपत्र प्राप्त गर्नेछ्न भने उप-विजेता टोलिले १५ हजार सहित मेडल र ट्रफी पाउने भएका छ्न । त्यसैगरी प्रतियोगितामा उत्कृष्ट खेलाडीलाई समेत नगद ३ हजार , मेडल र प्रमाणपत्र प्राप्त गर्नेछन ।