नेपाल आइपुग्यो १६ लाख ६० हजार डोज मोर्डना खोप

काठमाडौँ,१० माघ । नेपालले कोभिड-१९ विरुद्ध बालबालिकालाई लगाइने १६ लाख ६० हजार डोज मोडर्ना खोप प्राप्त गरेको छ । स्वास्थ्य सेवा विभाग अन्तर्गत व्यवस्थापन महाशाखाको आपूर्ति शाखाले उक्त परिमाणको खोप सोमबार काठमाडौं आइपुगेको जनाएको छ ।

मंगलबार थप २३ लाख ४० हजार डोज खोप आइपुग्ने विभागले जनाएको छ । सरकारले विश्व बैंकको आर्थिक सहायतामा कोभ्याक्स संयन्त्रमार्फत खोप खरिद गरेको हो । उक्त खोपका लागि आवश्यक पर्ने सिरिन्ज चाहिँ सरकारले आफै ल्याउने भएको छ ।

विभागका अनुसार सरकारले आफैले खरिद गरेको २ करोड ४ लाख सिरिञ्ज मध्ये ५० लाख भने आइसकेको छ । आइतबार चीनबाट पन २० लाख खोपको सिरिञ्ज आइसकेको छ ।