मृतकका आफन्तलाई १५ लाख क्षतिपूर्ति दिएपछि अस्पतालका सबै सेवा सुचारु

April 03, 12:58

धनगढी,२० चैत्र /  शनिवार कैलालीको अत्तरियास्थित पद्मा अस्पतालमा मृत्यु भएका बिरामीका आफन्तलाई १५ लाख क्षतिपूर्ति दिइएको छ। शनिवार साँझ अस्पताल प्रशासन, प्रहरी र स्थानीयबीच भएको सहमति अनुसार अस्पतालले सो रकम दिएको हो। उक्त सहमति भएसँगै आफन्तले शव बुझेका थिए। सहमति भएपछि शनिवार साँझबाटै अस्पतालले पनि आफ्नो सेवा सुचारु गरेको थियो। 

शुक्रवार राति उपचारका लागि अस्पतालमा पुगेका गोदावरी नगरपालिका–३ का बिनोद कुमार बोहरा उपचारकै क्रममा शनिवार बिहान मृत्यु भएको थियो। झाडापखाला भएर अस्पताल पुगेका भनिएका उनको मृत्युपछि आक्रोशित आफन्त र स्थानीयले अस्पतालमा ढुंगामुडा गरेका थिए। ढुंगा मुडाबाट अस्पतालको संरचना, एम्बुलेन्ससहित ३ ओटा गाडी, ल्याबका मेशिन, आइसियू मोनेटर तथा उपकरणहरुमा क्षति पुगेको पद्मा अस्पताल प्रालिका प्रबन्ध निर्देशक डा नरबहादुर मौनीले बताए। 

डा मैनीले सत्यतथ्य नबुझेर अस्पतालमा तोडफोड गर्नु गलत भएको बताएका छन्। ‘घटनाको अनुसन्धान हुनुपथ्र्यो। त्यसपछि अस्पताल प्रशासनले गर्ने कारबाही अगाडी बढाउथ्यो। त्यसपछि हामीले के गर्नुपथ्र्यो गथ्र्यौ’, उनी भन्छन्, ‘तर यहाँ हुलहज्जत गरी अस्पतालमा तोडफोड गरियो। विरामीलाई मृगौलाको समस्या थियो। उक्त कुरा नबुझी आक्रोशित भएर अस्पतालमा क्षति पुगाइयो।’ उनका अनुसार तोडफोडबाट अस्पतालमा ७० लाखभन्दा बढीको क्षति भएको छ।

आक्रोशित स्थानीयले अत्तरिया बजारमा यातायातका सवारी साधन समेत ठप्प पारेका थिए।  उनीहरुले अस्पतालका डाक्टरहरुको लापर्बाहीका कारण बोहराको मृत्यु भएको भन्दै क्षतिपूर्ति तथा अनुसन्धान गरी दोषीलाई सजायको माग राखेका थिए।

सम्बन्धित वर्गका समाचारहरू

बयलपाटा अस्पतालाई अनुदान दिन नीतिगत बाटो खोज्दै प्रदेश सरकार
कैलाली । सुदूरपश्चिम प्रदेशको पहाडी जिल्ला अछामको बयलपाटामा रहेको न्याय हेल्थ अस्पताल आर्थिक… विस्तृतमा
बयालपाटा अस्पताल र प्रदेश सरकारबीच ‘माथापच्छी’
धनगढी / चालु आर्थिक वर्ष २०८०/८१ को बजेट प्रस्तुत भएकै दिनदेखि अछामस्थित बयालपाटा अस्पताल पक्षधर र… विस्तृतमा
सुदुरपश्चिममा तीन दिनमा ९ व्यक्तिमा कोरोना संक्रमण
धनगढी / पछिल्ला तीन दिनमा सुदूरपश्चिम प्रदेशमा नौ व्यक्तिमा कोरोना भाइरस संक्रमण पुष्टि भएको छ।… विस्तृतमा
बिस वर्षपछि फार्मेसी व्यवस्थित
टीकापुर । अस्पताल स्थापना भएको दुई दशकपछि टीकापुर अस्पतालमा फार्मेसी व्यवस्थित भएको छ । पहिले… विस्तृतमा