कैलालीमा पटका बिक्री र प्रयोगमा रोक, मर्यादित एवं शान्तिपुर्वक चाडपर्व मनाउन प्रशासनको आग्रह

November 12, 10:16

धनगढी। कैलाली प्रशासनले सभ्य, सुरक्षित मर्यादित एवं शान्तिपुर्वक तरिकाले चाडपर्व मनाउन जिल्ला बासीलाई आग्रह गरेको छ। जिल्ला प्रशासन कार्यालय कैलालीले शुभ दीपावली, छठ पर्व तथा नेपाल संम्वत् लगायतका पर्वको शुभकामनासहितको सार्वजनिक सुचना जारी गर्दै सो आग्रह गरेको हो।

चाडपर्वहरु नेपाली संस्कृति र परम्परा, मर्यादा,अनुशासन विपरित छरछिमेक र समाजको समग्र शान्ति सुरक्षा प्रभावित हुनेगरी र कानुन विपरितका अवाञ्छित गतिविधी नगर्ने र नगराउन अनुरोध समेत गरेको छ । यस्तै, मादक पदार्थलगायतका नशालु पदार्थ सेवन गरी पूर्वको समय सार्वजनिक स्थानमा होहल्ला झैझगडाजस्ता कार्य नगर्न आग्रह गरेको छ। कैलाली प्रशासनले तिहारमा पटका,आतिसबाजी जस्ता प्रज्वलनशील एवम् विस्फोटक पदार्थ उत्पादन, ओसारपसार, बिक्री वितरण तथा प्रयोगमा रोक लगाएको जनाएको छ।

यस्ता चिजका कारण दुर्घटना हुनसक्ने भएकाले प्रशासनले पटका, आतिसबाजी जस्ता प्रज्वलनशील तथा विस्फोटक पदार्थको उत्पादन, बिक्री वितरण र प्रयोगमा रोक लगाएको प्रमुख जिल्ला अधिकारी युवराज कट्टेलले बताए । देउसी,भैलो,नाचगान लगायतका कार्यहरु बढीमा राति ९ बजेसम्ममात्र सभ्य, शान्तिपूर्वक तरिकाले गर्नुपर्ने उनको भनाई छ।

देउसीभैलीमा दक्षिणाका लागि रकम तोकेर दक्षिणा दिन दबाब दिन नपाइने र देउसी भैलोलगायतका कुनै पनि कार्यक्रम गर्दा सार्वजनिक यातायात एवम् जनजीवनलाई असर पुग्ने गतिविधि गर्न नपाइने प्रशासनले जनाएको छ। प्रमुख जिल्ला अधिकारी कट्टेलले चाडपर्व मनाउँदा संस्कृति, परम्परा, मर्यादाभित्र रहेर चाडपर्व मान्न सबैको जिम्मेवारी रहेको जानकारी दिए। उनले शान्तिपूर्वक तरिकाले चाडपर्व मनाउन सम्पूर्ण जिल्लाबासी,नागरिक,समाजसेवी व्यापारी, उद्योगी, विद्यार्थी, कर्मचारी तथा सर्वसाधारण सबैमा अनुरोध गरेका छन्।

सम्बन्धित वर्गका समाचारहरू

विकास बजेट खर्च न्यून
धनगढी । चालु आर्थिक वर्षको आधाभन्दा बढी समय गुज्रिँदासम्म प्रदेशको विकास बजेट (पुँजीगत बजेट) खर्च… विस्तृतमा
पक्की पुलमा एक पटक एउटा गाडी
बाजुरा । बाजुराको साँफे–मार्तडी राजमार्ग अन्तर्गत पर्ने गुइगाड खोलामा निर्माण भएको नयाँ पक्की पुलमा… विस्तृतमा
कञ्चनपुरको दक्षिणी क्षेत्र : सधै बाघको त्रास
कञ्चनपुर / गत वर्ष चैतमा कञ्चनपुरको पुर्नवास सँग सीमा जोडिएको भारतमा पर्ने दुधुवा नेशनल पार्कमा… विस्तृतमा
कपिलवस्तु बस दुर्घटना अपडेट : मृतक १० जनाको सनाखत
कपिलवस्तु – कपिलवस्तुको शिवराज नगरपालिका १ सुरही पुल नजिकै बस दुर्घटना हुदा १० जनाको सनाखत भएको छ… विस्तृतमा