शिखर नगरपालिकामा सञ्चालनमा आयो लाटाकाफली आधुनिक कृषि तथा पशुपन्छी फर्म

धनगढी । डोटीको शिखर नगरपालिका वडा नम्बर ७ श्री लाटाकाफली आधुनिक कृषि तथा पशुपन्छी फर्म सञ्चालनमा आएको छ ।

सञ्चालक यज्ञबहादुर रावलले कृषि खेतिको प्रवद्र्धन गर्ने उद्देश्यले फर्म सञ्चालनमा ल्याएका हुन् ।
उनले फर्ममा अमिलो जातको फलको उत्पादन अनारजन्य तथा कडा कोया हुने फलफूल, ब्याडको तयारी कार्यहरु, अन्य तरकारीहरुको उत्पादनसंगै मिश्रित खेति गर्ने बताए ।

गाई बस्तु तथा भैंसी पालन, भेडाबाख्रापालन, पन्छीपालन, माछा तथा माछाको मासु, संरक्षण एवं प्रशोधन गर्ने भाँडा वा डिब्बा तयार गर्ने काम, उष्ण र समशीतोष्ण फलको उत्पादन, अन्य रुख झाडी फल र कडा बोक्रा भएको फलफूलको उत्पादन, बंगुर पालन, मौरीपालन लगायतका खेति फर्मले गर्ने बताए ।

लाखौं लगानीमा सञ्चालनमा ल्याइएको फर्मले कृषि उपजमा बृद्धि ल्याउनका साथै रोजगारीको पनि सृजना गर्ने उनको भनाई छ ।